A Xunta aposta pola colaboración público-privada e a innovación para impulsar a economía galega.
A directora do Igape puxo en valor os avances de Galicia en materias como a automatización ou a dixitalización e destacou a importancia do binomio industria-enerxía para atraer novos proxectos á comunidade.
Covadonga Toca, directora do Igape, xunto a Sara Rodríguez (Hermasa), Olalla Cuiña (Inasus-Metaldeza-Eliper), Mercedes Toscano (Minimelis), Carmen Costas (Executivas de Galicia) e Isabel Álvarez (DPI Estratexia)
Comentarios
A Xunta traça o seu roteiro para reforzar o crecemento económico de Galicia. A directora do Instituto Galego de Promoción Económica (Igape), Covadonga Toca, participou este xoves na keynote empresarial “Voces que inspiran”, organizado pola CEG en Santiago co patrocinio de Abanca, e durante a súa intervención defendeu que a colaboración entre o sector público, empresarial e social, xunto co impulso das políticas de innovación e competitividade, serán factores clave para o crecemento económico do próximo ano.
Neste encontro destinado a compartir experiencias e visión estratéxica entre líderes empresariais galegas, Covadonga Toca puxo en valor que Galicia afronta o peche de 2025 cun ecosistema económico máis sólido, froito do compromiso conxunto entre administración, empresas e cidadanía.
Neste sentido, a directora do Igape recalcou que este ano foi decisivo para a transformación industrial e tecnolóxica, grazas ao avance da automatización, da dixitalización e das enerxías renovables. Ademais, Covadonga Toca ressaltou a importancia do binomio industria-enerxía á hora de atraer novos proxectos e puxo de relevo o papel central que ocupa o talento. Este apartado vai desde a propia captación de perfís cualificados ata a formación continua e a implantación de modelos de traballo máis flexibles.
“A isto súmase a crecente integración da intelixencia artificial nos procesos produtivos e de xestión, que xa está favorecendo a innovación e a optimización empresarial”, destaca a Consellería de Economía, Emprego e Industria a través dun comunicado.
Covadonga Toca estivo acompañada de Sara Rodríguez (Hermasa), Olalla Cuiña (Inasus-Metaldeza-Eliper), Mercedes Toscano (Minimelis), Carmen Costas (Executivas de Galicia) e Isabel Álvarez (DPI Estrategia). Segundo a directora do Igape, todas elas representan un tecido empresarial innovador, con visión global e un firme compromiso co desenvolvemento económico dunha Galicia que segue avanzando en materia de internacionalización, sostibilidade e cumprimento ASG.
