A propietaria de Armonia Green, que proxecta unha planta de amoníaco en Langosteira, prepara a súa saída á bolsa.

Ignis, a propietaria de Armonia Green, a sociedade que proxecta unha planta de amoníaco verde en Punta Langosteira, prepara o seu salto a bolsa. Para iso a compañía contratou a Citi para preparar o seu debut no parqué.

Segundo avanza Expansión, por agora o proceso está nas súas etapas máis iniciais e por agora non se descarta ningún tipo de alternativa, “dende a colocación clásica, vía subscrición de novas accións, unha venda de parte das existentes ou unha combinación de ambas”. 

Neste sentido, non estaría descartada por agora a posibilidade de que a firma de renovables con sede en Madrid destinase unha parte do capital para a cotización en bolsa e outra a un gran fondo ou grupos de fondos. Sobre as prazas nas que podería darse o debut, inicialmente barallaríase a Bolsa en España.

Sobre a valoración da compañía, as fontes citadas por Expansión apuntan a que o punto de partida estaría nunha horquilla entre os 1.000 ou 1.200 millóns de euros.

Ignis selou un acordo en abril de 2025 con Alcoa para facerse cunha participación do 25% en San Cibrao, recibiu apoio europeo para un total de tres iniciativas en Aragón, Andalucía e Galicia. 

No caso da primeira, a compañía investirá a través da súa filial Ignis Hidróxeno Alfa un total de 51 millóns de euros no proxecto Moncayo para poñer en marcha unha planta de hidróxeno renovable de 20 megavatios de capacidade mediante electrólise. Ademais, Ignis tamén impulsa unha planta de xeración de vapor de 9 megavatios de capacidade.

A eles hai que sumar proxecto que para construír unha planta de amoníaco no porto exterior de A Coruña (Punta Langosteira). Este amoníaco producirase a partir do hidróxeno verde que a compañía producirá nas antigas instalacións de Alu Ibérica no polígono de A Grela (agora en mans de Resonac) e que contarán cunha capacidade inicial de 200 megavatios de electrolizador, ampliables a 400.