Contas insta á Xunta a "concentrar esforzos" e acelerar a execución dos fondos Next Generation

O Consello de Contas cifrou a execución en 2023 dos fondos europeos por parte da Xunta nun 67,8%. De un total de 1.434,6 millóns de euros a gastar de forma plurianual, foron executados 973,2 millóns, unha cifra que descende a 790,5 millóns se se refire a pagos efectuados (55,1%).

Tal e como figura no informe de fiscalización de fondos europeos sobre 2023 que publicou este o Consello de Contas expoñe o “énfase na necesidade de incrementar o volume de execución dos recursos europeos en cada exercicio”. “Sobre todo se temos en conta que o prazo límite para utilizar os recursos totais dispoñibles do MRR (fondos do Mecanismo de Recuperación dos Next Generation) finaliza o 31 de decembro de 2026.

É por iso que o órgano fiscalizador urxe a que “fai falta concentrar os esforzos” na execución dos Next Generation pola data límite de finais de 2026 para o seu gasto.

“En 2023 confirmouse unha demora xeral no inicio da execución efectiva dos proxectos europeos do novo marco 2021-2027 debido ao atraso na súa aprobación pola UE e o consecuente atraso na remisión ao Estado español”. O volume xestionado de fondos europeos é en 2023 o maior da serie histórica en Galicia, con datos analizados desde 2015.

Con todo, Contas salienta que os pagos no exercicio 2023 aumentaron en 685,9 millóns de euros respecto ao exercicio 2022, polo que o incremento “é moi relevante”.

“Os índices de execución avaliados en relación coa financiación europea melloran de xeito xeral, o que ten como consecuencia directa que no exercicio 2023 diminúen os diferenciais negativos respecto á execución dos orzamentos xerais da comunidade”, valora.

Beneficiarios dos Next Generation

Estes fondos europeos corresponden a 525 proxectos únicos que recibiron pagos, dun total de 590. Os pagos finais repartíronse: organismos públicos, un 52,7% (652 millóns); as persoas xurídicas, un 45,2% (558,5 millóns); as persoas físicas, un 1,6% (20 millóns); e outros tipos de entidades, un 0,5% (5,6 millóns).

O volume de fondos europeos percibido polos concellos é de 55,9 millóns, só o 3,75% do total de máis de 1.400 millóns. Con todo, Contas apunta que hai un alza do 60,7% respecto ao exercicio anterior –maior incremento da serie histórica desde o exercicio 2014–, aínda que o reparto baixa a 219 concellos beneficiados (eran un total de 258 en 2022).

Recomendacións de Contas

Na sección de recomendacións, Contas aboga por “dar impulso aos instrumentos de planificación e xurídicos vixentes para conseguir en tempo os fitos críticos establecidos nos programas das diversas políticas palanca desenvolvidas en relación cos fondos Next Generation”.

Respecto aos Next Generation, “recoméndase potenciar os instrumentos de coordinación existentes no seo da comunidade autónoma”. “A coordinación deberá orientarse en primeiro lugar á análise da situación actual da totalidade dos proxectos, para poder articular as medidas necesarias que resolvan os posibles defectos que acontezan na execución destes programas”, engade.

E é que “o obxectivo a conseguir é maximizar o aproveitamento destes fondos dentro do limitado ámbito temporal establecido”.

Volve pedir que “non se tramiten baixas de créditos ao final de exercicio sobre os remanentes de crédito non comprometidos de fondos europeos para a súa reprogr_EXECUTION_EXPIRED