A inmobiliaria dos fundadores (e caseros) de Arenal achégase aos 90 millóns en activos

Vázmar Lucus, a empresa inmobiliaria dos fundadores de Arenal pechou o 2024 cun importante crecemento nos seus activos. A sociedade a través da que os Vázquez Marzán canalizan as súas inversións inmobiliarias e con que arriendan á cadea de perfumerías moitos dos seus locais superou o pasado exercicio os 89 millóns en activos.

En concreto, aumentaron desde os 69,92 millóns ata os 89,75, segundo a información rexistrada no Rexistro Mercantil e consultada por Economía Digital Galicia a través da solución analítica avanzada Insight View. Tamén é destacable o comportamento da partida correspondente ao patrimonio neto, que pasou dos 57,21 millóns aos 84.

A compañía, con base de operacións en Lugo, pechou o 2024 cunha cifra de negocio de 4,13 millóns, un 16% por encima da facturación do ano anterior, cando alcanzou os 3,57 millóns. Os beneficios pasaron de 1,7 millóns en 2023 aos 978.458 euros un ano máis tarde.

Por outra banda, o resultado de explotación, propio da actividade da empresa, tamén experimentou un lixeiro recorte pasando dos 1,71 millóns en 2023 aos 1,43.

“Os socios de Vázmar Lucus posuían unha participación en Arenal Perfumerías dun 40% ata o 10 de xullo de 2024 cando a transmitiron. A esta sociedade lle arriendan locais de negocios, considerándose por tanto operación vinculada ata a data indicada alcanzando un importe de 1.408.770,58 euros e durante o exercicio 2023 de 2.644.780,37 euros”, explican desde a compañía na memoria que acompaña ás contas.

A venda de Arenal e a fusión con Druni

En 2018 o xigante portugués Sonae fixose co 60% do capital de Arenal. No verán do ano pasado adquiriu o 40% que estaba en poder dos Vázquez Marzán, unha operación que culminaría coa fusión con Druni, a cadea da familia Casp na que o grupo luso controla o 50%.

Nos tres primeiros meses de 2025, as cadeas rexistraron un crecemento superior ao 10% no volume de vendas en comparación co mesmo período do ano anterior.

Segundo explicaba no informe dos tres primeiros meses do exercicio no que detallaban que “no segmento de saúde, beleza e benestar, tanto o grupo Druni (que inclúe as marcas Druni e Arenal) como Wells presentaron un desempeño excepcional en termos de vendas, con crecementos de dobre díxito, a pesar do ambiente operacional altamente competitivo, e cunha contribución do canal online particularmente relevante”.

Na presentación de resultados, Sonae destacaba que Druni e Arenal rexistraron un “sólido” aumento das vendas, tanto en superficie comparable como pola extensión da rede de tendas, que lles permitiu “aumentar a súa cota de mercado” en España.