Kimak fusiona as tres fábricas do antigo Grupo Caamaño, histórico provedor de Inditex

Restructuración en Kimak, que naceu sobre os activos do Grupo Caamaño tras a súa compra en 2019 pola vasca Kider. O provedor de Inditex, con domicilio en Madrid pero centros en Culleredo, absorbe parte dos activos da súa matriz Kider nunha nova reestruturación, ao acometer a fusión por absorción dunha nova empresa, Transitoriax Consulting, creada a partir da escisión de parte de Kider Store Solutions, cabeceira do grupo vasco. Kimak procederá tamén a fusionar tamén Caamaño Sistemas Metálicos, Metales y Muebles Especiales e Hydracorte, segundo anuncia o grupo.

Kimak Solutions depositou no Rexistro Mercantil un proxecto de fusión por absorción, sendo a sociedade absorbida a entidade de nova creación Transitoriax Consulting, constituída ao efecto e que nace froito da escisión parcial de Kider Stores Solutions. Os activos e o negocio traspasado non trascenderon, aínda que a operación garda relación directa coas fábricas que posúe o histórico provedor de Inditex en Culleredo.

Previamente, Kider Stores Solutions procedeu a depositar no Rexistro Mercantil o proxecto de escisión polo cal resultou beneficiaria Transitoriax Consulting, unha sociedade limitada de nova creación. A sociedade absorbente, neste caso, era KDMK Global Group, holding do grupo presidido polo financieiro galego Marcial Portela.

As tres fábricas de Culleredo

De Kimak colgan catro sociedades, que foron históricas provedoras de Inditex e tamén que conforman parte dos seus novos negocios: Caamaño Sistemas Metálicos, Metales y Muebles Especiales, Citanias Obras e Servicios e Hydracorte.

Desde Kimak circunscriben a operación “no marco da súa estratexia de mellora continua e co obxectivo de seguir prestando un servizo excelente aos seus clientes, polo que se levará a cabo unha reorganización societaria orientada a simplificar a súa estrutura e dotar de maior eficiencia ás súas operacións”.

“Este proceso suporá a fusión das tres sociedades industriais de Kimak nunha única entidade xurídica con sede en Culleredo, o que permitirá unha xestión máis coordinada e optimizada. Toda a actividade industrial continuará desenvolvéndose desde o seu centro de produción en Culleredo (A Coruña)”.

Unha división industrial de Kider

“A sociedade resultante da fusión seguirá dependendo da actual cabeceira do grupo, na que tamén quedará encadrada Kider, a empresa con sede en Amurrio que desenvolve a súa actividade no sector da alimentación e gran consumo”.

Esta actuación responde, din, a un planteamento que busca fortalecer a capacidade operativa, axilizar a toma de decisións e dotar de maior capacidade de crecemento ás distintas liñas de negocio. “Trátase dunha evolución natural na estrutura do grupo, orientada a gañar axilidade, eficiencia e capacidade de resposta nun entorno cada vez máis dinámico”, sinalou a dirección.