O BNG carga contra os «incumprimentos» de Alcoa e pide a intervención en San Cibrao
O deputado do BNG, Néstor Rego, reclamará ao ministro de Industria, Jordi Hereu, a intervención pública do complexo de Alcoa na Mariña Lucense.
El diputado de BNG Néstor Rego ofrece una rueda de prensa posterior a la primera sesión del debate de investidura del líder del PP, en el Congreso de los Diputados. Alberto Ortega – Europa Press
Comentarios
O deputado do BNG no Congreso volve á carga contra Alcoa. Néstor Rego reclamará na sesión de control ao Goberno do próximo mércores a intervención pública de Alcoa e que se tomen medidas para manter a actividade e os postos de traballo.
A súa xuízo, esta é a única solución posible “ante os incumprimentos da empresa”. É por iso que Néstor Rego preguntará ao ministro de Industria e Turismo, Jordi Hereu, sobre as accións que está levando a cabo o seu departamento “para garantir que se cumpra a totalidade do acordo asinado por Alcoa San Cibrao cos traballadores e traballadoras, asinado en 2021 e modificado en 2023”.
Segundo o deputado do BNG, é “incomprensible” que, a pesar do “incumprimento flagrante”, o Ministerio asinase, xunto coa Xunta, un memorando de entendemento “que é secreto” e que non está garantindo nin a continuidade da actividade de alúmina e aluminio, nin o mantemento da totalidade dos empregos.
“Queremos que o Ministerio de Industria actúe para obrigar á empresa a cumprir especialmente en dous elementos centrais: rearrancar a totalidade das cubas de electrólise (…) e cumprir o compromiso para a construción dun novo forno de cocción de ánodos, cunha inversión de arredor de 100 millóns de euros, que a empresa foi sistematicamente adiando”, sinalou Néstor Rego.
O BNG advertiu de que as constantes declaracións da empresa “poñen en cuestión” a continuidade de Alcoa na Mariña, polo que a única solución é a intervención pública que, incluso, podería ser temporal ata que se poida traspasar a un operador que teña “un proxecto industrial fiable”.
