O Museo de Estrella Galicia celebra o seu sexto aniversario con máis de 50.000 visitas ao ano.

O Museo de Estrella Galicia (MEGA) recibe máis de 50.000 visitas ao ano desde a súa apertura en 2019. Situado no polígono coruñés de A Grela, é o único museo de España dedicado íntegramente á cultura cervecera. 

Segundo lembran dende Hijos de Rivera, cada primeiro venres de agosto celébrase o Día Mundial da Cervexa. En España prodúcense máis de 41 millóns de hectolitros ao ano, manténdose como o segundo maior produtor de cervexa na Unión Europea, segundo o último Informe Socioeconómico do Sector Cervecero. Ademais, este sector xenera máis de 540.000 empregos, supón o 25% da facturación da hostalaría e contribúe con 5.200 millóns de euros ao gasto turístico anual.

Neste contexto, “MEGA consólidase como un espazo único que abrira en 2019 en A Coruña”. A pinacoteca combina experiencia sensorial, divulgación histórica e inmersión educativa en torno á cervexa.

Organizado en tres plantas e oito sectores temáticos, “MEGA permite ao visitante percorrer o ciclo de vida da cervexa: desde as súas materias primas ata o servizo final, pasando polos procesos de produción, envasado e distribución”. Todo iso a través de “experiencias olfativas, visuais e táctiles que converten a visita nunha experiencia didáctica e memorable”.

Segundo detallan, a historia centenaria de Estrella Galicia intégrase no percorrido, pero o relato trascende a marca para abordar a evolución da cervexa como parte do patrimonio cultural común.

Durante esta tempada, MEGA amplía o seu horario ata as 22:30 horas todos os días. As visitas guiadas con tiraxe e maridaxe, dispoñibles desde 25 euros, contemplan degustacións guiadas e maridaxes locais, que inclúen cata comentada.

Máis alá do seu valor expositivo, MEGA contribúe a visibilizar o impacto do sector cervecero en España, desde o uso de materias primas nacionais (o 90% de orixe local) ata o seu vínculo coa economía rural, o turismo de calidade e a cultura do tapeo, baixo un enfoque que promove o consumo responsable e moderado.

Personaxes históricos

Este ano, MEGA propón un percorrido a través do relato de personaxes históricos relacionados co mundo da cervexa que marcaron un antes e un despois coas súas respectivas contribucións ou innovacións. Desta maneira, este 1 de agosto, os visitantes coñecerán de primeira man os segredos da cervexa da man de Santa Hildegarda de Bingen, o Duque Guillermo IV de Baviera, Emil Christian Hansen e Mother Louse.

Así, o Museo de Estrella Galicia convértese unha vez máis nun punto de encontro entre tradición e vangarda, coñecemento e goce, unha experiencia completa que combina cultura, historia, degustación e sensorialidade para aqueles que queiran profundar na tradición cervecera española de forma divertida e educativa.