Besteiro defende ante a militancia que actuou con «firmeza e rigor» ante as denuncias de acoso.
O líder dos socialistas galegos sinala que o "vivido nestas últimas semanas non é un síntoma de debilidade" senón "a consecuencia dunha profunda conciencia feminista que forma parte esencial do noso ADN".
O secretario xeral do PSdeG e voceiro do Grupo Socialista no Parlamento de Galicia, José Ramón Gómez Besteiro (d), durante a reunión do Comité Nacional do Partido Socialista de Galicia, a 10 de xaneiro de 2026, en Santiago de Compostela, A Coruña. – Álvaro Ballesteros – Europa Press
Comentarios
José Ramón Gómez Besteiro, secretario xeral do PSdeG, defendeu este sábado no comité nacional da súa formación a súa xestión “con firmeza e rigor”, “respectando a legalidade”, dos casos de denuncias por suposto acoso sexual e laboral contra cargos socialistas.
O líder dos socialistas galegos tomou a palabra este sábado ante máis dos máis de 200 delegados –dun total de uns 350– que nesta xornada acudiron á reunión do máximo órgano de decisión do PSdeG, unha convocatoria que a executiva galega convocou antes do Nadal para apaciguar o ruído interno tras a crise derivada destas denuncias. Precisamente, na cita e unha vez finalizado o discurso, uns 40 delegados pediron a palabra para expresar o seu parecer.
“O vivido nestas últimas semanas non é un síntoma de debilidade. É a consecuencia dunha profunda conciencia feminista que forma parte esencial do noso ADN. Por iso, non convivimos con esas condutas e, cada vez que aparece un comportamento inaceptable, actuamos”, manifestou.
Así mesmo, asegurou que o acoso non ten carné de “ningún partido”, senón “un problema de toda a sociedade”. “A defensa das vítimas e a contundencia fronte a el si teñen identidade: e é a nosa, a do Partido Socialista”, afirmou.
Besteiro relatou cronoloxicamente a actuación da dirección galega en relación aos casos xa resoltos: o que afectou ao que era secretario provincial do PSOE lucense e presidente da Deputación, José Tomé –suspendido de militancia e apartado da presidencia da institución provincial–, tras a denuncia por suposto acoso sexual; así como o que afectou ao rexedor de Barbadás, Xosé Carlos Valcárcel, tamén apartado das siglas socialistas tras ser denunciado internamente por unha edil por suposto acoso laboral tras ter denunciado ela un caso de acosos sexual por parte doutro concelleiro.
Con todo, o xefe de filas do PSdeG non fixo ningunha referencia ás denuncias por suposto acoso laboral contra a rexidora da Coruña, Inés Rey, e o seu número dous, José Manuel Lage, que a propia alcaldesa cualificou como un “axuste de contas” por parte de dúas exconcelleiras por non ter repetido nas listas. Tanto Inés Rey como José Manuel Lage acudiron este sábado á reunión do máximo órgano de decisión entre congresos, no que se espera que a alcaldesa tome a palabra.
Sobre este caso, fontes do PSdeG lembraron que a resolución da denuncia contra Inés Rey, como integrante da executiva estatal do PSOE, depende da dirección federal e aínda está en tramitación.
Todo iso nun discurso no que dixo que o PSdeG foi a forza política que tivo a “valentía que outras non tiveron para abrir un debate sobre o machismo nas súas propias filas e crear un canal que permita denunciar de forma segura”.
“Por iso, calquera uso espurio que se faga dela pervirte o seu sentido esencial, afecta ás vítimas, á honra das persoas, á causa do feminismo e a todo o partido, polo que debe ser censurado e reprobado sen ambigüidades. Sempre, en todos os casos”, dixo.
Negociación sobre financiamento local
No seu discurso, ademais, Besteiro reclamou ao presidente da Xunta, Alfonso Rueda, unha “negociación real” sobre o financiamento local e que se axuste ás competencias que “de verdade asumen os concellos”. Así, lanzou un dardo polas responsabilidades traspasadas aos municipios sen os correspondentes recursos, sobre as que asegurou que “cada día” se suma unha nova.
“Rueda ten que deixar de pechar a porta a un reparto xusto e transparente. Ten que abandonar as convocatorias discrecionais que substitúen criterios obxectivos e que acaban beneficiando sempre aos mesmos”, instou.
Con isto, reprochou tamén a negativa do presidente –ao que acusa de seguir o “guión” de Feijóo– á condonación da débeda, que lembrou permitiría condonar 4.010 millóns a Galicia e que o PSOE defendeu como o “quilómetro cero” da financiación autonómica. A continuación, aludiu á nova proposta de financiamento presentada polo Goberno que suporía preto de 600 millóns de euros máis.
Tamén censurou ao BNG por “sumarse” a “este xogo”: “Propón un modelo de concerto, exactamente igual ao vasco, pero evita defendelo a fondo”. Besteiro cre que a formación nacionalista “sabe” que Galicia “saíría perdendo moitos millóns de euros”.
Á cita acudiron diferentes cargos orgánicos e institucionais do PSdeG, como a alcaldesa de Burela, Carmela López, designada polo partido como candidata socialista á Presidencia da Deputación de Lugo; e o presidente da Deputación da Coruña e exsecretario xeral, Valentín González Formoso.
Ademais, acudiron os secretarios provinciais da Coruña, Bernardo Fernández; de Ourense; Álvaro Vila, e Pontevedra, David Regades. Precisamente, tamén se prevé que Álvaro Vila interveña na cita para explicar a xestión do caso que afectou ao alcalde de Barbadás.
