Guerra entre a Xunta e o Goberno polos centros para menores migrantes

Novo enfrontamento entre a Xunta e o Goberno central. Desta vez por mor dos centros para menores migrantes. O secretario de Estado de Xuventude e Infancia, Rubén Pérez, censurou que o Executivo autonómico vaia crear un centro único de menores migrantes en Monforte de Lemos para acoller a aqueles que se reubiquen en Galicia tras o seu traslado desde Canarias, Ceuta e Melilla.

Ao seu xuízo, Galicia “está moi por debaixo dos niveis migratorios do resto de España”. Nunha entrevista concedida á Cadena Ser, Pérez considera que aínda que “non é a mellor maneira”, si é “bastante habitual” nos sistemas de protección autonómicos. Deste modo, apunta que o seu xuízo dependerá da función que finalmente lle outorgue o Goberno galego a este.

Se a Xunta o utilizase como “centro de primeira acollida” para, despois, realizar derivacións a outros centros especializados en función da casuística, “non sería tan grave” como “plantexar de maneira veda dous sistemas de protección á infancia”, nos que un deles sexa único para menores de orixe estranxeira.

É por iso que instou á Xunta non só buscar “espazos físicos” de acollida, senón dotarlle dun “itinerario á vida adulta” e dun “acompañamento”. Cuestionado sobre se ve intención de crear un gueto, Rubén Pérez subliñou que “o que non é de recibo é plantexar crear esta dotación cando eu sigo sostiñendo que Galicia está moi por debaixo dos niveis migratorios do conxunto do país”.

No suposto de “crear guetos desde o inicio”, Pérez opina que a Xunta cometería os “mesmos erros” que a Comunidade de Madrid co centro de Hortaleza, por iso pide “pensar nos intereses de Galicia”. “E non o que demanda a calle Génova [sede do PP] porque necesita o voto de Vox“, engade.

Ademais, respecto a Galicia, pensa que o “discurso de odio antiimigración non existe” e por iso “non hai extrema dereita”. “Fundamentalmente fomos unha nación migrante e a emigración explica gran parte das cuestións socioeconómicas”, reflexiona.