Actualizado
Comentarios
O BNG denuncia o “acoso” ao TSXG da Xunta, que critica a “sen razón” da súa postura sobre os eólicos.
A conselleira de Medio Ambiente, Ángeles Vázquez, nega estar "amedrentando" ou "chantaxeando" ao TSXG, e identifica as palabras da Xunta sobre o Alto Tribunal galego coa "liberdade de expresión".
A conselleira de Medio Ambiente, Ángeles Vázquez, no Parlamento – XUNTA
Comentarios
O deputado do BNG Luís Bará pediu á Xunta que “deixe de atacar” ao TSXG, no que cualifica de “acoso” e “coacción” a través de “declaracións incendiarias”. Así o apuntou no pleno do Parlamento nunha interpelación á conselleira de Medio Ambiente, Ángeles Vázquez, quen sinalou que “hai que tomar medidas” contra o que considera unha “sinrazón” da sección terceira do Alto Tribunal galego.
O deputado nacionalista recriminou que os populares “están echados ao monte” no que tacha de “posición antisistema”. Por iso, empraza ao Goberno galego a que “respecte as decisións xudiciais e “a separación de poderes”.
Bará denuncia que “quen provocou inseguridade xurídica foi a Xunta do Partido Popular”, xa que expón que os autos que paralizan cautelarmente proxectos son “sobre todo” por unha vulneración da protección ambiental, así como por fragmentacións artificiais de parques. Acusa aos populares de “utilizar os seus brazos armados mediático, xudicial e policial” ante esta situación.
“Estupor” da Xunta
En resposta, a conselleira de Medio Ambiente mostrou o seu “estupor” polas acusacións de Bará, xa que nega estar “amedrentando” ou “chantaxeando” ao TSXG, pois identifica as palabras da Xunta sobre o TSXG coa “liberdade de expresión”. “Xa só faltaría que non puidésemos opinar”, afirma.
Di que os populares non convocaron “nunca” manifestacións en contra do tribunal, o que contrapón con outros grupos políticos. Pero opina que o que ocorre co TSXG é “insólito, inédito e moitas veces inexplicable”.
Ángeles Vázquez asegura que, ademais do Tribunal de Xustiza da UE, o Tribunal Supremo deu a razón á Xunta “ata catro veces”. “Non podemos permanecer calados”, sinala.
“Hai algo que non nos cadra”, proseguiu nas súas críticas á sección terceira do TSXG, polo que considera que “alguén se ten que responsabilizar” de que se emitan toneladas de dióxido de carbono ao medio ambiente por decisións que provocan “parálise” no eólico.
A modo de exemplo, Vázquez indicou que o TSXG emitiu en 15 días tres autos diferentes respecto á súa posición en relación coa tramitación conxunta ou non de parques e liñas de evacuación.
