O Goberno dá luz verde á condonación de 4.000 millóns de débeda a Galicia a pesar da oposición da Xunta

• O comité de Ence cifra nun 100% o seguimento da folga e clama contra a Xunta
• O PP galego e o BNG chocan pola Constitución de 1978

O Goberno segue adiante co seu plan de condonación parcial de débeda ás comunidades autónomas. O Consello de Ministros aprobou este martes en segunda volta o anteproxecto de lei orgánica para esta condonación que suporá que o Estado asuma un total de 83.252 millóns de euros, dos cales 4.010 millóns corresponden a Galicia.

A ministra portavoz do Goberno, Pilar Alegría, informou na rolda de prensa posterior ao Consello de Ministros, onde explicou que o Executivo central aprobou esta medida en segunda volta. Segundo Alegría, esta medida beneficiará directamente a todas as comunidades autónomas que queiran acceder a ela e ao mesmo tempo permitirá corrixir, por un lado, o sobreendebedamento que vén derivado da crise financeira de 2010-2013, e por outro lado, mellorar a súa posición “á hora de saír aos mercados”, algo que cualificou de “fundamental”.

O Goberno calcula que os gobernos rexionais poderán aforrarse ata 6.700 millóns de euros en intereses, que, a partir de agora, poderán ir dirixidos a reforzar políticas sociais como sanidade, educación ou dependencia. Alegría aproveitou para lembrar que nestes últimos sete anos de lexislatura as comunidades autónomas recibiron do Estado máis de 300.000 millóns de euros máis dos que recibiron coa administración precedente durante os sete anos do anterior goberno do PP.

En calquera caso, Andalucía (18.791 millóns) e Cataluña (17.104 millóns) serán as comunidades máis beneficiadas en termos absolutos, seguidas de C. Valenciana (11.210 millóns); Madrid (8.644 millóns); Castela-A Mancha (4.927 millóns); Galicia (4.010 millóns); Castela e León (3.643 millóns); Murcia (3.318 millóns); Canarias (3.259 millóns); Aragón (2.124 millóns); Baleares (1.741 millóns); Extremadura (1.718 millóns); Asturias (1.508 millóns); Cantabria (809 millóns) e A Rioxa (448 millóns).

Neste reparto non se atopan País Vasco e Navarra, ao non estar no sistema de réxime común, aínda que tamén plantexaron xa que queren aproveitar a medida propondo que se lles compense de forma similar cos seus sistemas forais.

O Goberno foi vaticinando estas últimas datas que as comunidades gobernadas polos populares acabarán acolléndose. Todo iso a pesar da oposición do PP, que no caso de Galicia ameazou con levar a medida aos tribunais. “Unha condonación é cando quen ten que cobrar esa débeda decide non cobrala e non pasa nada. Neste caso trátase de que o Goberno decide non cobrarlle a Cataluña unha débeda, pero decide que a pague o resto dos españois. Polo tanto, cada galego vai facerse cargo dunha importante cantidade de millóns de euros“, alertou o conselleiro de Presidencia, Diego Calvo, que deixou abertas “todas as vías” no caso de que a medida saíse finalmente adiante.

Dest