O sistema de información europeo eleva a 158.000 as hectáreas queimadas en Galicia.
A área afectada na provincia de Ourense ascendería a 154.969 hectáreas, a inmensa maioría do territorio queimado na onda de incendios.
Dos ganaderos observan el estado de su granja tras el paso del fuego, a 13 de agosto de 2025, en Cova, Pobra de Trives, Ourense, Galicia (España). Rosa Veiga / Europa Press
Comentarios
O Sistema de Información de Incendios Forestais do programa europeo Copernicus sitúa as hectáreas queimadas en Galicia en 158.101. Esta cifra é moi superior a as 90.000 hectáreas que está a contabilizar a Xunta na monitorización da vaga de incendios e convertería o ano 2025 no peor desde 1989 en canto a superficie afectada.
Os datos actualizados do sistema europeo indican que a área afectada na provincia de Ourense alcanzaría as 154.969 hectáreas, 3.550 hectáreas máis que hai 24 horas e o groso do territorio calcinado en Galicia. Mentres, o resto das provincias mantéñense sen cambios significativos: 1.346 hectáreas en Pontevedra, 1.175 en A Coruña e 611 en Lugo.
A nivel estatal, Copernicus estima que, no que vai de ano, arderon 403.171 hectáreas en España e a inmensa maioría queimouse no mes de agosto. O territorio galego alcanzado polas lapas representaría, polo tanto, o 39% do total español.
A cifra de hectáreas queimadas era de 41.903 a 29 de xullo, pero o día 7 de agosto xa alcanzaran as 47.302. A virulenta vaga de incendios das últimas semanas elevou as cifras até as 400.000 hectáreas, con 360.000 calcinadas nos últimos 15 días.
