Os cinco brigadistas feridos no incendio de Barreiros, no hospital en estado grave.
Os cinco brigadistas, que teñen entre 24 e 39 anos, foron evacuados do Hospital da Mariña ao Chuac da Coruña e sufriron queimaduras durante as labores de extinción do incendio.
Un bomberos en las labores de extinción de un incendio en Barreiros / Europa Press
Comentarios
Os cinco brigadistas feridos no incendio de Barreiros xa foron trasladados ao Complexo Hospitalario Universitario da Coruña (Chuac). Todos eles permanecen ingresados na unidade de queimados despois de ser evacuados procedentes do Hospital da Mariña.
Segundo Europa Press, fontes sanitarias apuntan que os cinco atopanse con prognóstico grave como consecuencia das queimaduras de segundo grao que sufriron.
Un dos brigadistas ten 24 anos, está afectado no 25% do corpo e resultou intoxicado por inhalación de fume. Outro dos profesionais, de 25 anos, ten o 15% do corpo afectado polas queimaduras de segundo. O terceiro destes brigadistas ten 24 anos e as feridas afectaron a un 10% do seu corpo. Ademais, outro dos bombeiros ten 29 anos e unha afectación do 8%, e, por último, o quinto dos brigadistas, de 27 anos, ten feridas no 5%.
Todos eles resultaron feridos durante as labores de extinción deste lume que se rexistrou ás 16.15 horas do domingo na parroquia de San Xusto de Cabarcos e que obrigou a cortar un tramo da A-8, continúa activo e afecta xa a 80 hectáreas.
Nas labores de extinción participan 23 axentes, 31 brigadas, 27 motobombas, catro palas, catro técnicos, dúas unidades técnicas de apoio, sete helicópteros e tres avións.
