Radiografía do biogás en Galicia: oito plantas operativas e outras tantas en tramitación
A conselleira de Medio Ambiente, Ángeles Vázquez, denuncia "múltiples persecucións e denuncias contra estes proxectos e defende que as avaliacións ambientais se fan con "o máximo rigor técnico"
La conselleira de Medio Ambiente e Cambio Climático, Ángeles Vázquez – Mónica Arcay
Comentarios
A Xunta de Galicia fai un repaso á situación das plantas de biogás na comunidade. Apenas unha semana despois de que o Grupo Lence anunciase que deixaba en suspenso o seu proxecto LuGaz (valorado en nove millóns de euros) polas distintas “trabas” e mobilizacións veciñais, a conselleira de Medio Ambiente, Ángeles Vázquez, informou de que en Galicia hai oito plantas de biogás autorizadas “en funcionamento”.
A estas súmanse outras oito que están en avaliación ambiental, o cal é “público e transparente”, polo que defende que “non hai nada que ocultar”. Ángeles Vázquez respondeu así ao deputado do BNG, José Manuel Golpe, que denunciou a, ao seu xuízo, “carencia clara” dun ordenamento estratéxico para a instalación destas plantas de biogás, sen “regras claras” sobre “como, onde e con que límites se poden implantar”.
O deputado nacionalista reclamou establecer distancias mínimas entre plantas e núcleos de poboación, así como unha distancia máxima de transporte con criterios ambientais. Pon de exemplo que os produtores de pataca de Xunqueira de Ambía (Ourense) están “nerviosos” por non contar con “nin unha soa norma autonómica que regule” como protexer as súas producións.
Golpe defendeu que o Bloque “non ten nada en contra da tecnoloxía do biogás”, pero avisou que a formación estará “detrás de cada pancarta” fronte ao que considera “estes atropelos que se están cometendo por parte da industria permitidos pola súa consellería”.
A Xunta pon deberes ao Goberno
En resposta, a conselleira de Medio Ambiente defendeu que as avaliacións ambientais se fan con “o máximo rigor técnico”, xa que “ten que cumprir estritamente coa lexislación vixente”. Amósase “moi orgullosa” dos técnicos do seu departamento, “a pesar das múltiples persecucións e denuncias”.
Vázquez acusa ao Bloque de estar en contra de todos os proxectos industriais e de crear unha alarma para facer crer que “non existe ningún tipo de regulación”. Censura que cando se anuncia unha planta “aparece unha plataforma”, con veciños “hostigados por persoas que teñen nomes e apelidos”. “Deixen de perseguir a funcionarios”, pediu aos nacionalistas.
Igualmente, a conselleira esixe ao Goberno que estableza un marco común en planificación enerxética, pois “non se fixo absolutamente nada”, a través de criterio homoxéneos a nivel administrativo e control.
