Ana Botín pisa os calcañares a Amancio Ortega: o Santander queda a 8.000 millóns de Inditex por valor en bolsa

Nova mordida do Banco Santander a Inditex na súa loita por liderar o Ibex 35. As accións da entidade que preside Ana Botín repuntaron outro 0,57% na xornada bursátil deste mércores e xa elevan ata o 99,08% a súa revalorización no que vai de 2025.

Tan só outra empresa, Indra (cun rebote do 133,48%), consegue anotarse unha subida maior en todo o Ibex 35. Banco Santander conságrase, desta maneira, coma o segundo valor máis alcista do selectivo español de referencia, mentres que Inditex segue unha dinámica oposta e ocupa o furgón de cola do índice.

En concreto, Inditex deixouse o 9,1% do seu valor en bolsa no que vai de ano, un porcentaxe só superado polo 18,17% rexistrado por Puig Brands. As accións da multinacional con sede en Arteixo pecharon a xornada bursátil instaladas nos 44,34 euros, situando así a capitalización da compañía nos 138.192 millóns de euros.

Trátase de apenas 8.124 millóns de euros máis que un Banco Santander, que aproveitou o seu rally en bolsa para disparar o seu valor até os 130.068 millóns.

Santander acecha o reinado do Ibex 35 sete anos despois

A entidade que preside Ana Botín non se atopaba tan preto de recuperar o trono do Ibex 35 desde o 22 de maio de 2018. Por aquel entón, os seus 77.800 millóns de capitalización eran 7.284 millóns inferiores aos 85.084 millóns que presentaba a matriz de Zara, Massimo Dutti e Pull&Bear.

Naquel momento, Santander cumpría un mes desde que Inditex lle arrebatase un cetro do Ibex 35 que, ata o momento, non puido recuperar. A entidade que preside Ana Botín trasladou ao parqué a boa evolución da súa conta de resultados. O seu beneficio neto disparouse un 12,8% interanual e alcanzou os 6.833 millóns de euros entre os meses de xaneiro e xuño.

“O Santander é un dos bancos con maior diversificación de beneficios entre rexións e negocios”, destacaban os analistas de Citi nun recente informe. Nel elevan o prezo obxectivo das súas accións ata os 9,65 euros, outorgando así un potencial de revalorización do 10,4% para o banco.

A casa de investimento premia ao Banco Santander polos seus esforzos en materia de mellora da eficiencia e polas sinerxías derivadas da integración do negocio de TSB, a filial británica de Banco Sabadell, que comprou o pasado verán por 2.650 millóns de libras (aproximadamente 3.100 millóns de euros).

Banco Santander logrou superar o rebote doutras firmas do sector como Unicaja Banco (+93,3%), Banco Sabadell (+87,4%), BBVA (+80,2%), CaixaBank (74,6%) ou Bankinter (+73,8%), que tamén se viron beneficiadas polo crecemento da actividade crediticia.

Inditex modera o seu crecemento

Grazas a estes rebedos, Banco Santander logrou recortar unha brecha con Inditex que era 13 veces maior o pasado mes de decembro. Por aquel entón, a compañía fundada por Amancio Ortega capitalizaba case 175.000 millóns de euros, mentres que a entidade financeira rondaba os 65.000 millóns.

Agora esta diferenza véxase reducida ata os 8.124 millóns de euros actuais ante a moderación no ritmo de crecemento por parte de Inditex. A firma que preside Marta Ortega despediu o primeiro semestre do ano cun avance do 1,6% en materia de ingresos (ascenderon a 18.357 millóns de euros) e do 0,8% nun beneficio neto, que quedou nos 2.791 millóns.

“Inditex xa non pode crecer en vendas ao ritmo ao que estábamos afeitos“, apuntaba recentemente Xavier Brun (analista de Trea Asset Management), que, non obstante, tildaba de “excesiva” a reacción do mercado. “A presentación non conseguiu disipar dúbidas sobre un menor crecemento”, precisaban desde Barclays, en liña con Bankinter, que advertía de umhas “vendas débiles” para unha Inditex que reinou por capitalización no Ibex 35 durante practicamente os últimos sete anos. A última firma en arrebatarlle o trono foi Iberdrola, que o logrou de maneira puntual entre marzo e xuño e entre agosto e setembro de 2022.