Actualizado
Comentarios
“Cando espertou, …”
"E agora, que?" Tras a intervención na antiga Venezuela do xa detido Maduro, é a gran pregunta metafísica, o inquisitivo en modo total, o paroxismo da incerteza, o recordo ao bruxo de Arteixo, cando foi preguntado por un xornalista con aquilo de "Arsenio, que?"
Arquivo – O presidente dos EUA, Donald Trump
Comentarios
“O dinosauro aínda estaba alí”. Este é o comezo e o final dun dos relatos curtos máis famosos e citados, obra do hondureño Augusto Monterroso, nacionalizado guatemalteco. Tan breve como só sete palabras para realizar un labor de prestidixitación semántica co conto de título “O dinosauro”, obra mestra da concisión e, á vez, amplitude de suxestións. Supón o reflexo daquilo que se volve ineludible, e que, non atendéndoo, pode converterse no monstro que nos devore, inevitablemente. Nestes días de efectividade trumpera, é moi posible que Díaz-Canel, máximo responsable cubano, cada vez que esperte e abra os ollos, inevitablemente, atope coa mirada do dinosauro.
Luis XIV
Microrrelato obra do escritor español Juan Pedro Aparicio, publicado na súa obra “A metade do diablo” comprende o título “Luis XIV” e unha soa palabra, Eu. Aplicable á comparecencia de Donald Trump o sábado da detención de Nicolás Maduro e a súa muller. Resumo final, El.
Ameazas
Título que continúa co relato “Devorareite, dixo a pantera. Peor para ti, dixo a espada”, conto curto do colombiano William Ospina, moi á man para advertir sobre a intervención norteamericana en Venezuela, de non ser adecuada, desde o primeiro momento, a súa xestión.
Sin título
Case unha sentenza, texto do venezolano Gabriel Jiménez Emán, alude a que “aquel home era invisible, pero ninguén se decatou delo”, e que se pode aplicar á situación do propio pobo venezolano, nun proceso que se nos antolla, como mínimo, complexo.
O emigrante
Luis Felipe Lomelí, autor mexicano, cultivador da narración exígua, reflexa na súa obra “O emigrante” unha situación que pode volver a repetirse, acabando como Cuba, Afganistán ou Iraq, “Esquece vostede algo? – Oxalá”
Futuro
“E agora, QUE?”. Aportación persoal aos microrrelatos ante o panorama que se abre nestes momentos, tras a intervención na ex Venezuela do xa detido Maduro. É a gran pregunta metafísica, o inquisitivo en modo total, o paroxismo da incerteza, o recordo ao bruxo de Arteixo, cando foi preguntado por un xornalista con aquilo de “Arsenio, que?”.
Di a tradición deportivista, a mitoloxía encerrada en barras azuis e brancas, que a pregunta formulouna o reporteiro Benito Cores da Televisión de Galicia, á que Arsenio, tamén chamado por algo o zorro de Arteixo, contestou con outra pregunta, como non podía ser menos dado a orixe do adestrador, “Que de que? Benito, que de que?” Pois iso.
