O Goberno clama contra BNG e PP polo seu ‘portazo’ ao decreto antiapagón

O delegado do Goberno en Galicia arremete contra o PP e o BNG polo seu voto en contra ao decreto antiapagón. Pedro Blanco, cualificou de “incomprensible” a decisión de ambas formacións ante un conxunto de medidas que, segundo o seu criterio, incluía propostas para as empresas electrointensivas como Alcoa.

Neste sentido, Pedro Blanco tachou de “absolutamente inxustificable” que PP e BNG reclamen “pola mañá” a “necesidade de protexer a empresas” como Alcoa e, “pola tarde, voten en contra”.

Ademais, indicou que o decreto incluía medidas para “mellorar” os mecanismos para evitar un novo apagón, un obxectivo no que, segundo defendeu, o Goberno “foi transparente e rápido” xa que “reaccionou” con unha serie de medidas acordadas coas “organizacións ecoloxistas, os grandes consumidores eléctricos intensivos”, pero tamén “as pequenas e medianas empresas”.

É por iso que Pedro Blanco considerou que o PP e o resto de partidos que votaron en contra teñen que dar “unha xustificación” aos galegos e aos traballadores que prestan servizo a estas empresas. Ademais, o delegado puxo en valor que na xornada do martes no pleno se aprobasen “seis” de “sete” normas. “Como dixo o presidente do Goberno, nin tan mal”, señalou.